Уступны экзамен адбудзецца ў 11 гадзін 27 жніўня 2024 года.

Дакументы прымаюцца пасля папярэдняга запісу з 18 чэрвеня да 23 жніўня ў біскупскай курыі па адрасе: г. Гродна, вул. К. Маркса, 4.

Папярэдні запіс:
тэл.: + 375 29 887 71 05
e-mail: kaledz.tealagiczny@gmail.com

Дакументы падаюцца асабіста.

Інфармацыя для абітурыентаў

Аднымі з галоўных мэтаў Тэалагічнага каледжа ў Гродне з'яўляюцца: умацаванне веры, паглыбленне рэлігійных ведаў і падрыхтоўка спецыялістаў для рэлігійнай дзейнасці.

Навучэнцы каледжа маюць магчымасць атрымаць веды па тэалогіі (дагматычнай, маральнай, пастаральнай), Святым Пісанні, гісторыі Касцёла, літургіі, кананічным праве, патралогіі, сямейнай этыцы, сацыяльным вучэнні Касцёла, філасофскіх навуках (гісторыі філасофіі, тэадыцэі), псіхалогіі, педагогіцы, катэхетыцы, сродках масавай камунікацыі і іншых прадметах згодна з прадпісаннямі Рыма-Каталіцкага Касцёла.

Навучанне ў каледжы працягваецца тры с паловай гады (з верасня па чэрвень). Форма навучання – завочная. Заняткі праводзяцца ў 2-ю і 4-ю суботу і нядзелю месяца. Навучанне бясплатнае.

Пасля заканчэння каледжа выпускнікі атрымліваюць дыплом ад Біскупа.

Дакументы, неабходныя для паступлення:

- заява (напісаная ўласнаручна);
- біяграфія (напісаная ўласнаручна);
- рэкамендацыйны лiст ад пробашча парафii;
- копiі пасведчанняў аб сакрамэнтах хросту і канфірмацыі;
- копiя атэстата аб агульнай сярэдняй адукацыі або iншыя дакументы аб адукацыi;
- копiя пашпарта (стар. 31-33);
- 3 фотаздымкi (3х4);
- медыцынская даведка (выпiска з амбулаторнай карты);
- анкета (запаўняецца пры падачы дакументаў).

Уступныя іспыты:

-тэст агульных ведаў з Катэхізіса;
- кваліфікацыйная размова.

Адміністрацыя гродзенскага Тэалагічнага каледжа імя святога Казіміра